"Барселона" дарвозабони Марк-Андре тер Штеген Англияга кўчиб ўтмоқчи эмас.
33 ёшли футболчини "Вест Хэм" ўз сафига қўшиб олмоқчи эди - "болғачилар" уни жорий мавсум охиригача ижарага олиш вариантини таклиф қилишганди. Mundo Deportivo хабарига кўра, германиялик дарвозабон ўйлаб ўтирмай рад жавобини берган, чунки у оиласидан узоққа кетишни истамаяпти.
Аввалроқ, Марк-Андре тер Штеген Каталониянинг "Жирона" клубига ўтишга тайёрлиги ҳақида хабарлар тарқалган эди. Жорий мавсумда "кўк-анорранглилар" сардори атиги бир марта майдонга тушди. Унинг "Барселона" билан амалдаги шартномаси 2028 йилга қадар имзоланган.
"Вест Хэм" АПЛ 22-туридан кейин турнир жадвалида 18-ўринни эгаллаб турибди.
