"Манчестер Юнайтед"нинг собиқ ҳужумчиси Уэйн Руни жамоасининг Премьер-лигада "Манчестер Сити" устидан қозонилган 2:0 ҳисобидаги ғалабасини юқори баҳолади.
"Албатта, мен жуда хурсандман. Жамоа руҳи, меҳнатсеварлик, ғайрат - бугун ҳамма нарса ажойиб эди.
Мен футболчилардан жуда мамнунман - мухлислар буни сўнгги бир неча йил давомида кутишган. Биламан, бу шунчаки битта ўйин, лекин ҳамма бу жамоанинг қанчалик кучли бўлиши мумкинлигини кўрди.
Ҳамма, айниқса биз, собиқ ўйинчилар, "Юнайтед"нинг ДНКси ҳақида гапирамиз ва бугун биз буни кўрдик: тўпсиз ишлаш, вингерларининг орқага чекинишлари ва ҳимоячиларга ёрдам бериши, жарима майдончасига узатмалар ва уларни якунлаш истаги.
Биринчи гол тезкор қарши ҳужум натижасида содир бўлди. "Юнайтед"нинг ДНКси ва бизга айнан шу нарса етишмаётган эди", деди Руни.
