Каталониянинг "Барселона" клуби юлдуз вингери Рафинья 18 ёшли хавбек Дро Фернандеснинг жамоадан кетишига йўл қўймасликка ҳаракат қилди. Бу ҳақда ижтимоий тармоқдаги Touchline аккаунти хабар берди.
Бразилиялик футболчи Испания Суперкубоги финалида "Реал" устидан қозонилган ғалабадан кейин клуб тарбияланувчиси билан шу мавзуда суҳбатлашди. "Кўк-анорранглилар" "қироллик клуби"ни 3:2 ҳисобида мағлуб этиб, совринни қўлга киритди.
Дронинг янги клуби "ПСЖ" бўлиши кутилмоқда. Ярим ҳимоячининг трансферига шахсан Париж гранди бош мураббийи Луис Энрике қизиқиш билдирмоқда. Фернандеснинг шартномасида кўрсатилган товон пули олти миллион еврога тенг.
