Лондоннинг "Челси" клуби дарвоза чизиғини кучайтиришни режалаштирмоқда. El Nacional нашри тарқатган хабарга кўра "аристократлар"нинг қизиқишлари доирасида "Реал" сафида тўп тепаётган украиналик дарвозабон Андрей Лунин ҳам бор.
"Челси" 26 ёшли футболчининг трансферини расмийлаштирмоқчи. Луниннинг ўзи клубини ўзгартиришга қарши эмас, чунки у Мадридда бельгиялик Тибо Куртуага рақобатда ютқазмоқда.
Украиналик 2018 йилнинг ёзида Мадрид гранди сафига қўшилганди. Луниннинг "қаймоқранглилар" билан амалдаги меҳнат шартномаси муддати 2030 йил июнь ойи охирида тугайди. Дарвозабоннинг бозор нархи 15 миллион еврони ташкил этади.
