"Ливерпуль" ҳимоячиси Виржил ван Дейк АПЛда "Бёрнли"га (1:1) қарши ўйиндан сўнг ўз фикрларини билдирди.
"60 дақиқадан сўнг бепарво ўйнай бошладик ва бу биринчи марта эмас. Бу муаммони ҳал қилиш керак. Бу ҳақда аллақачон гапирилди, лекин афтидан, биз бу масалага қайтишимиз керак.
Вазиятни таҳлил қилиш учун яна икки кун вақтимиз бор. Биз таҳлилни ўтказамиз, кейин ҳаракат қиламиз. Айтишим мумкинки, ҳозир нимадир етишмаяпти ва биз буни ўзгартирмоқчимиз.
Ҳақиқат шундай ва биз қўллаб-қувватлашга муҳтожмиз. Менга мухлисларимизнинг ҳуштакбозлиги ёқмайди", - дейди ван Дейк.
