"Бавария" спорт директори лавозимида ишлаб келаётган Макс Эберль мюнхенликлар дарвозабони Мануэль Нойернинг келажаги ҳақида гапирди.
"Манунинг ҳозирги ўйини - бу жаҳон даражасидаги ўйин. Хотиржаммиз. Мавсум охирида, апрель-май ойларида суҳбатлашамиз ва ҳаммаси қандай бўлишини кўрамиз. Ҳозир у жуда яхши ўйнамоқда," - деди Эберль.
Март ойида германиялик посбон 40 ёшга тўлади. У "Бавария" сафида 2011 йилдан буён тўп тепиб келмоқда. Мюнхенликлар сафида Нойер 12 марта Бундеслига олтин медалини қўлга киритган ва икки марта Чемпионлар Лигаси ғолибига айланган.
