"Леванте"нинг камерунлик марказий ҳужумчиси Карл Этта Эйонг ЦСКАга ўтишдан бош тортди.
Маълум қилинишича, «ҳарбийлар» ҳужум чизиғини кучайтириш мақсадида форвардни таркибга қўшмоқчи бўлган ва у учун 30 миллион евро тўлашга тайёр эди. Бироқ футболчи Россия Премьер-лигасига кўчиб ўтишни истамаяпти, деб хабар беради журналист Бен Джейкобс.
Агар амалга ошганида, ушбу трансфер ЦСКА тарихида рекордга айланиши мумкин эди, чунки клуб аввал ҳеч қачон футболчи учун бунчалик катта сумма тўламаган.
2025/2026 йилги мавсумда 22 ёшли Эйонг Испания чемпионати ва Кубогида 18 та ўйин ўтказиб, 6 та гол урди ҳамда 3 та голли узатмани амалга оширди.
