"Реал" ҳужумчиси Килиан Мбаппе дам олиш кунлари мухлислар томонидан қаттиқ ҳуштакбозликка дуч келган Винисиус Жуниорни ҳимоя қилди.

"Мен ҳуштак чалган мухлисларни тушунмайман. Биз жуда кўп хатолар қилаяпмиз. Бу ҳолат менга ёқмади — агар ҳуштакбозлик бўлса, бутун жамоага бўлиши керак. Битта футболчини ажратиб кўрсатиб бўлмайди. Биз жамоа сифатида ёмон ўйнаяпмиз.

Бу Винисиуснинг айби эмас. У ажойиб футболчи. У жуда яхши инсон, у мен учун жуда қадрли. Биз уни яхшироқ ҳимоя қилишимиз керак, у ҳаммага қарши ёлғиз қолмаслиги шарт.

"Реал"да у ёлғиз эмас. Биз барчамиз у биланмиз", — дея Мбаппенинг сўзларини келтирди инсайдер Фабрицио Романо.

Сешанба куни, 20 январь санасида, "Реал" Чемпионлар лигаси доирасида "Монако"ни қабул қилади.