"Боруссия" Дортмунд вингери Юлиен Дюранвилль "Базель"га ўтиши мумкин. Бу ҳақда журналист Флориан Плеттенберг хабар берди.
Манба маълумотларига кўра, икки клуб ўртасидаги музокаралар ҳали ҳам давом этмоқда. Ижара бўйича битимнинг сўнгги жиҳатларини келишиб олиш қолган. 19 ёшли футболчи "Базель"га ўтишга қизиқиш билдирган, қолган барча таклифлар эса ҳозирча рад этилган.
Дюранвилль 2023 йилда "Андерлехт"дан "Боруссия"га 8,5 миллион евро эвазига кўчиб ўтган. Жорий мавсумда у "қора-сариқлар"нинг асосий таркибида бирорта расмий ўйинда иштирок этмаган. Футболчининг "Боруссия" билан шартномаси 2028 йилга қадар амал қилади.
