"Атлетико" "ПСЖ" ҳужумчиси Гонсалу Рамушга қизиқиш билдирмоқда.

Marca хабар беришича, айни пайтда мадридликлар ярим ҳимоячини ўз сафига қўшиб олишга эътибор қаратган, бироқ келаси мавсум учун тўққизинчи рақам позициясини ҳам кучайтиришни режалаштирмоқда. Қайд этилишича, португалиялик футболчи айнан шу позиция учун клубнинг асосий мақсадига айланиши мумкин.

Рамуш "Атлетико"нинг техник раҳбариятига жуда ёқмоқда ва Матеу Алемани уни трансфер қилиш учун олдиндан иш олиб бориш кераклигини яхши билади.

Ёзда клуб Антуан Гризманн, Александр Сёрлот ёки ҳатто Хулиан Альварессиз қолиши эҳтимоли борлиги сабабли, янги ҳужумчи трансфери зарур бўлиши мумкин.

Жорий мавсумда Гонсалу Рамуш Лига 1 доирасида 18 та ўйинда майдонга тушиб, 4 та гол урган.