"Тоттенхэм" бош мураббийи Томас Франк яқин вақт ичида истеъфога чиқарилиши мумкинлиги ҳақидаги миш-мишларга муносабат билдирди.

Айни пайтда "Тоттенхэм" Премьер-лига турнир жадвалида 14-ўринни эгаллаб турибди. Уик-эндда "шпорлар" ўз майдонида "Вест Хэм"га 1:2 ҳисобида мағлуб бўлди.

"Мен бундай гапларнинг барчаси медиа циркининг бир қисми эканини биламан. Қўлимдан келадиган ягона иш — эртанги "Боруссия" Дга қарши ўйинга эътибор қаратиш", — деди Франк матбуот анжуманида.

"Тоттенхэм" ва "Боруссия" Чемпионлар лигасининг умумий босқичи 7-тури доирасида ўзаро баҳс олиб боради.