"Барселона" "Реал Сосьедад" дарвозабони Алекс Ремирога қизиқиш билдирмоқда.

Mundo Deportivo маълумотига кўра, каталонияликлар 30 ёшли голкиперни анчадан бери кузатиб келмоқда ва уни Жоан Гарсия учун ишончли захира сифатида кўришмоқда. "Барселона" спорт директори Деку ўтган ёзда Гарсия билан шартнома имзолашдан олдин Ремиро вазияти билан бир неча бор қизиққан.

Қайд этилишича, 2025 йил ёзида Ремиронинг товон пули 50 миллион еврони ташкил этган. 2026 йилда эса, яъни унинг "Сосьедад" билан шартномаси тугашига бир йил қолганда, футболчининг трансфер қиймати 10 миллион евродан ҳам пастга тушиши мумкин.