Ҳозирда Италиянинг "Фиорентина" клуби шарафини ҳимоя қилаётган марказий ҳужумчи Эдин Жеко янги жамоага ўтишга яқин. Бу ҳақда журналист Патрик Бергер хабар берди.

Аввалроқ Германиянинг "Шальке 04" клуби босниялик форвардга қизиқиш билдираётгани айтилган эди. Ҳозирги пайтда Жеконинг шахсий шартнома шартлари келишиб олинган, энди клублар трансфер тафсилотлари бўйича музокараларни якунлашини кутмоқда.

Жорий мавсумда 39 ёшли ҳужумчи 18 та учрашувда майдонга тушиб, 2 та гол урган.

Эслатиб ўтамиз, Жеко Германияда аввал ҳам тўп тепган — у "Вольфсбург" сафида ўйнаган. Transfermarkt портали футболчининг бозор қийматини 1,5 миллион еврога баҳоламоқда.