Сўнгги вақтларда Роберто де Дзерби ёзда "Манчестер Юнайтед" бош мураббийи лавозимини эгаллаши мумкинлиги ҳақида хабарлар чиққан эди. Италиялик мутахассис ушбу миш-мишлар юзасидан фикр билдирди.
"Менинг бутун эътиборим — "Марсель"да. Бошқа нарсалар ҳақида ўйлашга вақтим йўқ. Бу ерда ўзимни қулай ҳис қиламан, аммо яқин ойларда ёки кейинги йил гаплашишимизга тўғри келиши мумкин — аниқ билмайман", — дея де Дзербининг сўзларини келтиради Get French Football News.
"Манчестер Юнайтед" йил бошида Рубен Аморимни истеъфога чиқарган эди. Мавсум охиригача жамоа билан Майкл Кэррик ишлайди. Айни пайтда "қизил иблислар" Англия чемпионати турнир жадвалида бешинчи ўринда бормоқда.
