"Интер" Чемпионлар Лигасида кетма-кет учинчи бор мағлубиятга учради.
Кристиан Киву жамоаси кеча ўз майдонида "Арсенал"га (1:3) имкониятни бой бериб қўйди. 9 декабрь куни улар "Ливерпуль"га (0:1), 26 ноябрь куни "Атлетико"га (1:2) ютқазган эди.
Миланликлар умумий босқичнинг 7 турида 12 очко жамғаришди. Улар бугунги ўйинлардан сўнг 1/8 финал йўлланмасини тўғридан-тўғри қўлга киритиш ҳудудини тарк этишди ва айни дамда 9-ўринда боришмоқда.
Сўнгги турда "Интер" Дортмунднинг "Боруссия" клубига қарши майдонга тушади - бу 28 январь куни бўлиб ўтади.
