Каталониянинг "Барселона" клуби хавбеки Фермин Лопес жамоадоши Педрининг жароҳат олгани ҳақида гапирди. Футболчи кеча бўлиб ўтган Чемпионлар лигаси умумий босқичидан ўрин олган "Славия"га қарши ўйинда жароҳат олди.
"Педри текширувдан ўтгач, ҳаммаси тушунарли бўлади. Усиз бизга осон бўлмайди. Умид қиламизки, у имкон қадар тезроқ тикланади", - дея ярим ҳимоячининг сўзларини келтиради Goal.
Эслатиб ўтамиз, мазкур беллашув "кўк-анорранглилар"нинг 4:2 ҳисобидаги ғалабаси билан якунланди. Каталонияликлар 13 балл тўплаб, жадвалда тўққизинчи ўринни эгаллаб турибди.
