"Ливерпуль" яримҳимоячиси Доминик Собослаи Европа Чемпионлар Лигаси умумий босқич 7-туридан ўрин олган "Марсел"га қарши сафар ўйинида урган голи ҳақида гапирди. Венгриялик хавбек жарима зарбаси билан провансликлар дарвозасини ишғол қилди.
"Мен бундай зарбани тайёрлаган эдим. Агар ҳеч ким жонли девор тагига ётмамаса, пастдан гол уриш имконияти борлигини билардим. Таваккал қилдим ва иш берди", - дея яримҳимоячининг сўзларини келтиради RMC Sport.
Эслатиб ўтамиз, учрашув 3:0 ҳисобида "Ливерпул"нинг йирик ғалабаси билан якунланди.
Чемпионлар лигаси умумий босқичининг сўнгги тури олдидан мерсисайдликлар 15 очко жамғариб, турнир жадвалида тўртинчи ўринни эгаллаб турибди. Бу босқичдаги сўнгги ўйинни "қизиллар" "Қорабоғ"га қарши ўтказади.
