"Марсель"нинг италиялик устози Роберто де Дзерби собиқ шогирди Адриен Рабьо ҳақида илиқ фикрлар билдирди. Ҳозирда франциялик футболчи "Милан" шарафини ҳимоя қилмоқда.
"Рабьо - универсал. Ҳимояланишни, ҳужум қилишни, ёриб ўтишни билади. У ажойиб йигит. У бизга Чемпионлар лигасига чиқишга ёрдам берди, айнан унинг ўйини кўпинча ҳал қилувчи омилга айланди," - дея де Дзербининг сўзларини келтиради pianetamilan.it.
Куни кеча Рабио "Милан" сафида илк дублини қайд этиб, "Комо" дарвозасига иккита тўп киритди.
