"Барселона" марказий ҳимоячиси Андрес Куэнка "Комо"нинг трансфер мақсадлари қаторида қолмоқда.
Аввалроқ, 18 ёшли футболчига Италия клуби қизиқиш билдираётгани хабар қилинганди. Mundo Deportivo нашрининг янгиланган маълумотларига кўра, "Комо" испаниялик футболчи учун янги таклиф билан чиққан ва келишувга футболчининг келажакдаги қайта сотилиш суммасининг 25 фоизини "Барселона"га кафолатлаш бандини киритган. Истиқболли марказий ҳимоячининг амалдаги шартномаси ярим йилдан кейин тугайди.
Андрес Куэнка Каталония грандининг иккинчи жамоасида ўйнайди ва фақат бир марта асосий таркибда ўйнашга муваффақ бўлган. Ҳимоячининг Transfermarkt сайтидаги нархи - 500 минг евро.













