Мадриднинг "Атлетико" клуби расмий сайти хабарига кўра, Антуан Гризманн жароҳат сабаб сафдан чиқди.
Француз футболчиси жума кунги машғулотларда жароҳат олди. Текширув натижасида 34 ёшли французда чап сон мушакларининг енгил шикастланиши аниқланган. "Матрасчилар" Антуаннинг тикланиш муддатини ошкор қилишмаяпти.
2025/2026 йилги мавсумда Антуан Гризманн 30 та ўйинда майдонга тушиб, 10 та гол урди ва битта голли узатмани амалга оширди.













