"Атлетико" форварди Хулиан Альвареснинг манфаатларини ҳимоя қилаётган футбол агенти Фернандо Идальго Каталониянинг "Барселона" клубига эҳтимолий трансфери борасида фикр билдирди.
"Альварес билан шартнома имзолашдан манфаатдор бўлган барча "Атлетико" билан боғланиши керак. Хулианнинг шартномаси бор ва бор эътиборини ҳозирги жамоасига қаратган. Деку билан учрашув? Бу ёлғон, биз у билан сўнгги вақтларда кўришмадик," - дея агентнинг сўзларини келтиради Sport.es.
Аргентиналик ҳужумчининг трансфер нархи 100 миллион еврога баҳоланмоқда. Альвареснинг "матрасчилар" билан меҳнат шартномаси 2030 йилнинг ярмигача мўлжалланган.
