"Кристал Пэлас" ҳужумчи Жан-Филипп Матетани қўйиб юборишга шошилмаяпти. 28 ёшли футболчи қишки трансфер ойнасида "бургутлар" сафини тарк этмоқчи, аммо клуб харидорларга ҳеч қандай имтиёз бермоқчи эмас.
Журналист Санти Ауна маълумотига кўра, Матетанинг "Милан" билан келишуви бор эди, аммо лондонликлар "россонерилар" таклифини рад этишган. Худди шундай муаммо Италиянинг бошқа бир клуби - "Ювентус" билан музокараларда ҳам юзага келди.
Маълумотларга қараганда, "Кристал Пэлас" ҳужумчини сотишдан камида 40-50 млн евро ишлаб олмоқчи. Transfermarkt портали экспертлари Матетанинг нархини 40 млн еврога баҳоламоқда.
