"Ливерпуль" ҳимоячиси Жо Гомес фаолиятини Италия А Сериясида давом эттириши мумкин.
Манбага кўра, "Милан" раҳбарияти футболчини жамоада кўришни истамоқда. "Россонерилар" анчадан буён футболчи билан музокаралар олиб бормоқда ва мерсисайдликларга таклиф билан чиқишга тайёрланмоқда.
28 ёшли ҳимоячи ливерпулликлар сафида 2015 йилнинг ёзидан буён тўп суриб келмоқда. Томонлар ўртасидаги меҳнат шартномасининг амал қилиш муддати 2027 йил июнь ойи охирида тугайди. Жонинг бозор нархи 15 миллион еврога баҳоланмоқда.
Жорий мавсум АПЛда Гомес ўнта ўйинда майдонга тушди ва иккита голли узатмани амалга оширди.
