Мадриднинг "Реал" клуби ярим ҳимоячиси Федерико Вальверде Килиан Мбаппе ва Винисиус Жуниорнинг тўпсиз ўйинлардаги ҳаракатлари ҳақида фикр билдирди.
"Қаймоқранглилар"нинг юлдуз ҳужумчилари кўпинча ҳимояда жамоага ёрдам бера олмасликда айбланади, аммо сўнгги пайтларда француз ва бразилиялик бу учун ҳам мақтовга сазовор бўлмоқда.
"Мбаппе ва Винининг "Вильярреал"га қарши ўйиндаги ҳимоядаги ҳаракатларини алоҳида таъкидламоқчиман," - деди Вальверде Madrid Xtra нашрига берган интервьюсида.
Мадридликлар Ла Лига сафар учрашувида "сариқ сув ости кемаси" устидан ғалаба қозонди - 2:0. Меҳмонларнинг ҳар икки голига Килиан Мбаппе муаллифлик қилди.
Чоршанба куни "Реал" Чемпионлар лигасида "Бенфика" меҳмони бўлади.
