Мадриднинг "Реал" клубига тегишли бўлган истиқболли ҳимоячи Виктор Валдепеньяс фаолиятини Германия Бундеслигасида давом эттириш вариантларига эга, дея хабар бермоқда ижтимоий тармоқлар орқали инсайдер Экрем Конур.
Журналистнинг маълумотига кўра, футболчини Леверкузеннинг "Байер" ва Дортмунднинг "Боруссия" клублари ўз сафига қўшиб олмоқчи. Немис клублари 19 ёшли футболчи учун Лондоннинг "Арсенал" клуби билан кураш олиб бормоқчи.
Валдепеньяс "Transfermarkt" портали томонидан уч миллион еврога баҳоланмоқда. Ҳимоячининг мадридликлар билан амалдаги меҳнат шартномаси 2029 йилнинг ўрталарида ўз ниҳоясига етади.
