Лондоннинг "Тоттенхэм" ва "Ливерпуль" клублари ҳамон қанот ҳимоячиси Эндрю Робертсон трансфери бўйича музокараларни давом эттирмоқда. Бу ҳақда инсайдер Фабрицио Романо хабар бермоқда.
Манбага кўра, "шпорлар"нинг дастлабки таклифи жума куни бўлган. Ўшандан бери клублар бўлажак трансфернинг якуний суммасини муҳокама қилишмоқда.
Робертсон "Ливерпуль"да 2017 йилдан буён тўп тепиб келмоқда. Жорий мавсумда 31 ёшли ҳимоячи барча мусобақаларни қўшиб ҳисоблаганда 22 та учрашувда майдонга тушиб, битта гол урди ва битта самарали узатма муаллифига айланди.
"Transfermarkt" портали маълумотларига кўра, Робертсоннинг бозор нархи 12 миллион еврога тенг.
