"Челси" вингери Эстевао Виллиан якшанба куни Премьер-лигада "Кристал Пэлас"га қарши кечган ўйин (3:1) қаҳрамонларидан бирига айланди.

34-дақиқада бразилиялик футболчи ҳисобни очган бўлса, 50-дақиқада ҳамюрти Жоао Педрога ассистентлик қилди. Шу тариқа Эстевао (18 ёш-у 276 кунлик) Премер-лигада бир ўйинда гол ва голли узатма амалга оширишга муваффақ бўлган 33 йил ичидаги энг ёш футболчи бўлди, деб хабар беради Opta. Бутун тарих давомида фақат битта футболчи янада ёшроқ ҳолатда АПЛ ўйинида гол ва голли узатмани амалга оширган - 1993 йил апрель ойида Нил Шипперли (18 ёш ва 164 кун).

Эстевао Европада ўзининг биринчи мавсумини ўтказмоқда. У ўтган йилнинг ёзида Бразилиянинг "Палмейрас" клубидан "Челси"га кўчиб ўтган эди.