Лондоннинг "Арсенал" клуби ҳужумчиси Букайо Сака жамоанинг "Манчестер Юнайтед"га қарши кечган ўйиндаги ҳаракатлари ҳақида фикр билдирди.
Англия Премьер-лигасининг 23-туридан ўрин олган баҳс 2:3 ҳисобида "канонирлар"нинг мағлубияти билан якунланди.
"Ўйлашимча, биз энг яхши даражамизни кўрсата олмадик, бу хафа қилади. Бу жуда муҳим ўйин эди. Бу оғир мағлубият, лекин биз биргаликда ҳаракат қилишимиз керак. Келаси ҳафта яна ўйнаймиз ва ғалабаларга қайтишга ҳаракат қиламиз," - деди Сака.
"Арсенал" 23 ўйиндан кейин 50 очко билан Англия чемпионати турнир жадвалида пешқадам бўлиб турибди. Энг яқин рақибдан фарқ тўрт очкони ташкил этади.
