Londonning "Arsenal" klubi hujumchisi Bukayo Saka jamoaning "Manchester Yunayted"ga qarshi kechgan o‘yindagi harakatlari haqida fikr bildirdi.
Angliya Premyer-ligasining 23-turidan o‘rin olgan bahs 2:3 hisobida "kanonirlar"ning mag‘lubiyati bilan yakunlandi.
"O‘ylashimcha, biz eng yaxshi darajamizni ko‘rsata olmadik, bu xafa qiladi. Bu juda muhim o‘yin edi. Bu og‘ir mag‘lubiyat, lekin biz birgalikda harakat qilishimiz kerak. Kelasi hafta yana o‘ynaymiz va g‘alabalarga qaytishga harakat qilamiz," - dedi Saka.
"Arsenal" 23 o‘yindan keyin 50 ochko bilan Angliya chempionati turnir jadvalida peshqadam bo‘lib turibdi. Eng yaqin raqibdan farq to‘rt ochkoni tashkil etadi.
