"Аталанта" ярим ҳимоячиси Даниэль Мальдини клубини ўзгартиришга яқин турибди.
"Милан" афсонаси Паоло Мальдинининг ўғли 2025 йилнинг февралидан бери бергамоликлар шарафини ҳимоя қилмоқда. У жорий мавсум 11 та ўйинда майдонга тушди ва 1 та голли узатмани амалга оширди.
Инсайдер Фабрицио Романонинг маълум қилишича, "Аталанта" "Лацио" билан футболчининг Рим клубига ўтиши борасида келишувга эришган.
Кичик Мальдинининг бергамоликлар билан амалдаги шартномаси 2029 йилнинг 30 июнига қадар мўлжалланган. Унинг бозор қиймати саккиз миллион еврони ташкил этади.
