Ҳужумкор ярим ҳимоячи Оскар Бобб қишки трансферлар вақтида "Манчестер Сити"ни "Фулхэм"га алмаштириши мумкин. Нуфузли инсайдер Фабрицио Романонинг ижтимоий тармоқларда ёзишича, 22 ёшли футболчи бўйича музокаралар жараёни якуний босқичга чиқмоқда. Муҳокамалар клублар орқали ҳам, Боббнинг ўзи билан ҳам олиб борилмоқда.
Қайд этилишича, "Манчестер Сити" 35 миллион фунт (тахминан 40 миллион евро) нархни талаб қилмоқда. Бобб ижара эмас, тўлақонли трансфер қилиниши кутилмоқда.
"Манчестер Сити" Премьер-лига турнир жадвалида 2-ўринда бормоқда. "Арсенал" билан орадаги фарқ тўрт очкони ташкил қилади.
