Мадриднинг "Реал" клуби ярим ҳимоячиси Орельен Тчуамени фаолиятини Англия Премьер-лигасида давом эттириши мумкин.
Fichajes нашрига маълум бўлишича, 26 ёшли франциялик футболчини қўлга киритиш учун АПЛнинг бирданига икки клуби жиддий кураш олиб бормоқда. Гап "Ливерпуль" ва "Тоттенхэм" ҳақида кетмоқда. Таъкидланишича, "шпорлар" "Реал"га 100 миллион евролик ўз таклифини бериб бўлган.
Тчуамени "Реал" сафида 2022 йилдан буён тўп тепиб келмоқда. Ушбу мавсумда хавбек барча мусобақаларни инобатга олган ҳолда 28 та учрашувда майдонга тушди ва 1 та голли узатмани амалга оширди.
Тчуаменининг "қаймоқранглилар" билан шартномаси 2028 йилгача мўлжалланган.
