"Росарио Сентраль" шарафини ҳимоя қилаётган Анхель Ди Мария Мадриднинг "Реал" клуби яримҳимоячиси Франко Мастантуоно ҳақида фикр билдирди.

"Мастантуонони мен билан солиштиришди, лекин у анча иқтидорли ва дриблингни анча яхши уддалайди. У юқори даражадаги ўйинчи. У ҳам Хаби Алонсо каби ишлари унчалик яхши бўлмаганда танқид қилинди ва ҳисобдан чиқарилди, аммо унинг бутун карьераси ҳали олдинда. Ҳозир унинг ишлари яхши кетмоқда, у кўпроқ ўйнай бошлади ва у ўз ўйинини сезиларли даражада яхшилайди, атрофингда энг яхши ўйинчилар бўлса, буни қилиш осон", - дея Ди Мариянинг сўзларини келтиради АЫ.

Франко Мастантуоно 2025 йилнинг ёзида "Ривер Плейт"дан "Реал" билан шартнома имзолади. Футболчи билан келишув 2031 йилнинг июнигача мўлжалланган. Бу мавсумда ярим ҳимоячи барча мусобақаларда 21 та ўйинда майдонга тушиб, 3 та гол урди ва 1 та голли узатмани амалга оширди.