"Rosario Sentral" sharafini himoya qilayotgan Anxel Di Mariya Madridning "Real" klubi yarimhimoyachisi Franko Mastantuono haqida fikr bildirdi.

"Mastantuononi men bilan solishtirishdi, lekin u ancha iqtidorli va driblingni ancha yaxshi uddalaydi. U yuqori darajadagi o‘yinchi. U ham Xabi Alonso kabi ishlari unchalik yaxshi bo‘lmaganda tanqid qilindi va hisobdan chiqarildi, ammo uning butun karyerasi hali oldinda. Hozir uning ishlari yaxshi ketmoqda, u ko‘proq o‘ynay boshladi va u o‘z o‘yinini sezilarli darajada yaxshilaydi, atrofingda eng yaxshi o‘yinchilar bo‘lsa, buni qilish oson", - deya Di Mariyaning so‘zlarini keltiradi AI.

Franko Mastantuono 2025 yilning yozida "River Pleyt"dan "Real" bilan shartnoma imzoladi. Futbolchi bilan kelishuv 2031 yilning iyunigacha mo‘ljallangan. Bu mavsumda yarim himoyachi barcha musobaqalarda 21 ta o‘yinda maydonga tushib, 3 ta gol urdi va 1 ta golli uzatmani amalga oshirdi.