Бугун Мадриднинг "Реал" клуби Чемпионлар лигаси мусобақасининг сўнгги турида "Бенфика"га қарши баҳс олиб боради.
Ўйиндан олдинги матбуот анжуманида журналистлар "қаймоқранглилар" бош мураббийи Альваро Арбелоадан футболчиларнинг ҳозирги кайфияти унга маъқул келяптими, деб сўрашди. Миш-мишларга кўра, мураббий ўзгаришидан олдин жамоа психологик муаммоларга дуч келган.
"Тайинланганимдан бери кўрганларимга қараганда, футболчилар ўзини қурбон қилишга, қаттиқ ишлашга ва ғалаба қозониш учун зарур бўлган ҳамма нарсага тўлиқ тайёр. Албатта, биз анча яхшироқ ўйнашимиз мумкин, аммо бунинг учун бизга вақт керак бўлади, ишлашда давом этишимиз керак," - дея жавоб берди Хаби Алонсо ўрнига келган Арбелоа.
