"Милан", "Ювентус" ва Италия терма жамоасининг собиқ яримҳимоячиси Андреа Пирло Зинедин Зиданга қарши ўйин ҳақида фикр билдирди.
- ЖЧ-2006 финалининг биринчи бўлимида сен ҳимоячиларинг ёнига тез-тез келиб, ҳужумни бошлаб берардинг ва Зидан сен билан ўйнарди. Унинг босими сенга қанчалик тўсқинлик қилди?
- Мен Зидан билан майдонда кўп учрашганман: у Италияда "Ювентус"да ўйнаганида ҳам, кейинчалик "Реал"да бўлганида ҳам. Терма жамоаларимиз ҳам тез-тез тўқнаш келарди, шунинг учун бунга кўниколмасдим.
Албатта, Зидан ўшанда дунёнинг энг яхшиларидан бири эди, шунинг учун унга қарши ўйнаш ҳар доим жуда қийин бўлган. Лекин унга ҳам мен билан муомала қилиш осон эмасди.
- Тўп назорати остида бўлган Зиданга қарши ўйнаш қанчалик қийин? Бундай вазиятда нима қилиш керак?
- Бу оғир, лекин сиз кескин ҳаракат қилмаслигингиз керак, чунки у исталган вақтда сохта ҳаракат қилиши ва йўналишини ўзгартириши мумкин - у чап ва ўнг оёқ билан бир хил даражада яхши ўйнайди.
У билан жисмонан курашиш ҳаммасидан қийин эди, чунки у мендан баландроқ ва кучлироқ эди. Шунинг учун мен ҳар доим унга жуда яқинлашмасликка ҳаракат қилардим, бунинг ўрнига у нима қилишини олдиндан билишга ҳаракат қилардим", - деди Пирло.
