"Қайрат" Чемпионлар лигасининг дебют мавсумида умумий босқичда ғалаба қозона олмади.

Сўнгги турда Олмаота жамоаси сафарда "Арсенал"га 2:3 ҳисобида имкониятни бой берди. "Қайрат" 1 очко билан сўнгги, 36-поғонани банд этди.

Чемпионлар лигасининг асосий босқичида илк бор иштирок этган "Қайрат" умумий босқичдаги 8 ўйиннинг 7тасида - "Спортинг" (1:4), "Реал" (0:5), "Интер" (1:2), "Копенгаген" (2:3), "Олимпиакос" (0:1), "Брюгге" (1:4) ва "Арсенал"га (2:3) ютқазди. Қозоғистонликлар ягона очкони "Пафос"га қарши ўйинда (0:0) қўлга киритишди.

Умумий ҳисобда "Қайрат" 7 та гол урди ва 22 та гол ўтказиб юборди.