"Барселона" вингери Рафинья Диас 2025 йилги "Олтин тўп"га лойиқман деб ҳисобламоқда. Хабарингиз бор, бразилиялик овоз беришда бешинчи ўринни эгаллади. Совринни "ПСЖ" аъзоси Усмон Дембеле қўлга киритди.
"Мен хафа бўлдим. Камида топ-3 га киришни кутгандим. Ўзимни қайси ўринга қўйган бўлардим? Биринчига. Индивидуал мукофот фақат битта турнирга боғлиқ бўлиши мумкин эмас. Мен қўлга киритган унвонларим, эришган рақамларим ва қўшган ҳиссам учун ғалаба қозонишга лойиқ эдим", - дея Рафиньянинг сўзларини келтиради Sofascore.
"Барселона" Испания Ла Лигаси турнир жадвалида иккинчи ўриндаги "Реал"ни бир очкога ортда қолдириб, пешқадамлик қилмоқда.
