Ҳужумкор ярим ҳимоячи Жек Грилиш қўшимча текширувлардан ўтди. Бу ҳақда "Эвертон" бош мураббийи Девид Мойес журналистларга маълум қилди.
"Бизнинг фикримизча, унга жарроҳлик амалиёти керак бўлади. Бу унинг мавсум охиригача ўйинларда иштирок этишини истисно қилади," - деди Мойес.
Шу билан бирга, Мойес Грилиш келажакда "Эвертон"да ўйнаши ҳақида гапиришга ҳали эрта эканлигини таъкидлади. Хабарингиз бор, мерсисайдликлар 30 ёшли футболчини "Манчестер Сити"дан сотиб олиш имкониятига эга.
"Эвертон" Премьер-лига турнир жадвалида ҳозирда 10-ўринда бормоқда.
