Жан-Филипп Матетанинг устувор мақсади "Милан"га ўтиш. "Кристал Пэлас" форварди аллақачон "россонерилар" билан шахсий шартнома шартларини келишиб олган. Бу ҳақда таниқли инсайдер Фабрицио Романо ижтимоий тармоқларда маълум қилди.
Қайд этилишича, "Милан" "Кристал Пэлас" билан музокараларни давом эттирмоқда ва бу борада олдинга силжиди. Хуллас, қишки трансферлар вақтида Матета Италияга йўл олиш эҳтимоли катта.
2025/2026 йилги мавсумда Жан-Филипп Матета "Кристал Пэлас" сафида 34 та расмий ўйин ўтказди. Уларда француз ўз ҳисобига ўнта гол ва иккита голли узатмани ёздириб қўйди. Нуфузли "Transfermarkt" портали 28 ёшли Матетани 40 миллион еврога баҳоламоқда.













