"Барселона" бош мураббийи Ханс-Дитер Флик клубнинг трансфер бозоридаги фаолиятидан қониқиш ҳосил қиляптими, деган саволга жавоб берди. Бунга жавобан немис таркибдан мамнун эканлигини айтди.
"Албатта, таркибдан мамнунман. Жароҳат олган футболчилар қайтади: Педри тикланиш жараёнининг ўртасида, Гави кўпроқ машқ қила бошлади. Кристенсен ҳам бор. Кўрамиз, нима бўларкин. Менда катта сифатга эга ажойиб жамоа бор. Шунингдек, битта, иккита ёки учта ўйин ўтказишга тайёр бўлган захира ва академия футболчилари ҳам бор. Маркес яхши ишлаяпти, Торренс ҳам. Мен академия ва ёшларнинг савиясидан мамнунман", - деди Флик журналистларга.
"Барселона" 31 январь, шанба куни Ла Лига доирасида сафарда "Эльче"га қарши баҳс олиб боради.
