Туркиянинг "Фенербахче" ва Италиянинг "Аталанта" клублари нигериялик ҳужумчи Адемола Лукман трансфери бўйича музокара ўтказди. Бу ҳақда журналист Фабрицио Романо ўз ижтимоий тармоқларида маълум қилди.
30 январь куни бўлиб ўтган учрашувдан сўнг келишув якуний босқичда. "Фенербахче" Луқмон учун қўшимча шартларни ҳисобга олган ҳолда 40 миллион евро тўлайди.
Ўтган ёзда Лукманга Миланнинг "Интер" клуби фаол қизиқиш билдирганди, аммо футболчини жамоадан қўйиб юборишмади. Бу эса унинг бир муддат майдонга тушишдан бош тортишига сабаб бўлди.
Жорий мавсумда 28 ёшли футболчи 19 та ўйинда майдонга тушиб, 3 та гол урди ва 2 та голли узатмани амалга оширди.
