"Ванкувер" яримҳимоячиси Томас Мюллер Германия терма жамоаси ЖЧ-2026 ғолиблигига тайёр эмас, деб ҳисобламоқда.
"Мусиала, Вирц, Вольтамаде каби футболчилар - уларнинг барчасини санаб ўтолмайман - супер истеъдодли, ёрқин, улар асосий ўйинчилар бўлиши мумкин ва ҳозир ҳам шундай. Аммо улар чиндан ҳам совринга тайёр эканига ишончим комил эмас.
Биз ҳар кимни мағлуб этишга қодирмиз, аммо ҳар кимга ютқазишимиз ҳам мумкин. Менда шундай туйғу бор. Биз футбол мамлакати сифатида, албатта, барқарорлик тикланишига ва бизда нафақат салоҳиятли ўйинчилар, балки кўп йиллардан бери "Бавария"да бўлган Йозуа Киммих ёки Антонио Рюдигер каби топ-клубларда ҳақиқатан ҳам муҳим шахслар пайдо бўлишига умид қиламиз", - деди Мюллер.
