Лондоннинг "Тоттенхэм" клуби бош мураббийи Томас Франк Педро Порро ва Ришарлисоннинг қайтиш муддатлари ҳақида гапирди. Мутахассис ҳар икки футболчи 22 февраль куни бўлиб ўтадиган "Арсенал" билан дербига қайтишига умид қилмоқда.
"Бу идеал сценарий бўлиши мумкин ва у амалга ошиши ҳам мумкин. Аммо ўйинга яқинлашганимизда бироз кўпроқ маълумотга эга бўламиз," - дея Франкнинг сўзларини келтиради Spurs Army.
Жорий мавсумда Порро барча турнирларда 34 та учрашувда майдонга тушди ва бешта ассистни ўз ҳисобига ёздириб қўйди. Ришарлисон ҳисобида 31 та ўйин, 8 та гол ва 3 та голли узатма бор.
