Миланнинг «Интер» клуби «Ливерпуль» билан ярим ҳимоячи Кёртис Жонс бўйича музокараларни давом эттирмоқда.

Sky Sport Italia хабарига кўра, «нерадзуррилар» 25 ёшли футболчини 40 миллион евро миқдорида сотиб олиш имконияти билан ижарага олишга тайёр. Англиялик ўйинчи трансферга розилик берган, аммо «Ливерпуль» ҳозирча келишувни тасдиқламаган. Агар битим амалга ошса, «Интер» Давиде Фраттези бўйича «Ноттингем Форест»дан тушган таклифни қабул қилиши эҳтимоли катта.

Transfermarkt портали Кёртис Жонснинг бозор қийматини 40 миллион евро деб баҳолайди. Жорий мавсумда у Арне Слот жамоаси сафида барча мусобақаларда 30 та ўйин ўтказиб, 1 та голли узатма амалга оширган.