"Арсенал" бош мураббийи Арсен Венгер лондонликлар ҳамон "Ливерпуль" ҳужумчиси Луис Суаресни ҳарид қилиш ҳаракатидан тўхтамаганликларини маълум қилди.
"Суарес трансфери ҳақида аввал айтганларимга бошқа ҳеч нарса қўшимча қилолмайман. Агар ҳарид амалга ошса, буни "Ливерпуль"га бўлган ҳурматни жойига қўйган ҳолда бажарамиз.
Трансфер амалга ошиши учун учта томон ўзаро келишиб олиши керак - ҳаридор, сотувчи ва ўйинчи.
Биз нима хоҳлаётганимизни биламиз. Ўйинчининг нима хоҳлаётгани унинг гапларидан маълум. Демак, "Ливерпуль" кўнса бас, Суаресни ҳарид қиламиз.
Таркибни кучайтириш ҳаракатидамиз. Суарес рўйҳатимиздаги футболчилардан бири. Агар уни сотишмаса, бунга кўнмай иложимиз йўқ", деди Венгер "Арсенал" расмий сайтига берган интервьюсида.
