Бугун мамлакатимиз стадионларида Олий лига 15-тур учрашувлари бўлиб ўтади. Шунингдек бугун Навоий шаҳрида "Насаф" жамоаси маҳаллий “Қизилқум” жамоаси билан куч синашади. Учрашув "Сўғдиёна" стадионида кеч соат 18:30да бошланади.
Бугун эрта тонгдан "Насаф" мухлислари Марказий стадиондаги ўз қаророгоҳларида йиғилишди. Клуб томонидан ажратилган автобусга ўтиришиб, Навоий сари йўлга чиқишди. Ҳа, кейинги пайтларда ўз севикликлари натижаларидан қониқиш ҳосил қилишиб, жамоага бўлган ишончлари тобора ортиб бораётган мухлислар "Насаф" жамоасини ҳоҳ ўз майдонида бўлсин, ҳоҳ сафарда бўлсин қизғин қўллаб қувватлашмоқда.
"Навоийга ташриф буюраётган мухлисларнинг кайфияти аъло даражада, бугун биз севимли жамоамизга 12-ўйинчи сифатида ёрдам беришимиз керак, биз учун жуда қадрли бўлган Рўзиқул Бердиев жамоамизга ўзи ўйнаган пайтлардаги руҳни қайта тиклай олди бу ҳолат барча мухлисларимизда олам-олам завқ ўйғотмоқда. Бир-икки кунги аввалги хабар эса бизни янада хурсанд қилди, мураббийимиз Рўзиқул Бердиев мамлакатимизда кетма-кет учинчи марта ойнинг энг яхши мураббийи деб эълон қилинди. "Насаф"га шунча йил мухлислик қилаётган бўлсам, бунақаси ҳали бўлмаган эди. Бунинг учун барча мухлисларимиз номидан юртимизда фаолият олиб бораётган ОАВ ходимларига ўз ташаккурларимизни изҳор этиб қоламиз",-дейди "Насаф" ФК мухлислари етакчиси Ўктам Узоқов.
