Саудия Арабистони давлат инвестиция фонди (PIF) "Ан-Наср" ҳужумчиси Криштиану Роналдунинг босими остида "Ал-Иттиҳод"дан "Ал-Ҳилол"га франциялик ҳужумчи Карим Бенземанинг ўтиши бўйича музокараларни вақтинча тўхтатди. Бу ҳақда журналист Саша Тавольери Х ижтимоий тармоғида маълум қилди.
Манбага кўра, Бензема бўйича келишув фонднинг "Ан-Наср"га қўшимча трансфер бюджетини беришни истамаётганидан ҳафсаласи пир бўлган Роналдунинг норозилигидан кейин вақтинча рад этилган. Аввалроқ, ОАВ маълумотларига кўра, португалиялик ўйинларни бойкот қилиш билан таҳдид қилган эди.
2 февраль, душанба куни Роналду мавсумда илк бор жамоаси қайдномасидан ўрин олмади. Португалиялик футболчи Саудия Арабистони Про-лигасининг 20-туридан ўрин олган "Ар-Риёд"га қарши ўйин қайдномасига киритилмади. Эслатиб ўтамиз, Саудия Арабистони Давлат инвестиция фонди "Ан-Наср", "Ал-Иттиҳод", "Ал-Ҳилол" ва "Ал-Аҳли" клубларига эгалик қилади.
