Саудия Арабистонининг "Ал-Ҳилол" клуби франциялик ҳужумчи Карим Бензема билан шартнома имзолади. Бу ҳақда инсайдер Яғиз Сабунжуўғлу Х ижтимоий тармоғида маълум қилди. Манбага кўра, ҳужумчи билан бир ярим йиллик шартнома имзоланган.
Аввалроқ, Бензема "Ал-Иттиҳод" таклиф қилган янги шартномадан норози бўлгани учун жамоа сафида майдонга тушишдан бош тортгани ҳақида хабар берилганди. ОАВ маълумотларига кўра, футболчи Европага қайтиш имкониятини кўриб чиққан.
Аввалроқ, матбуотда Бенземанинг "Ал-Иттиҳод"дан "Ал-Ҳилол"га ўтишига "Ан-Наср" форварди Криштиану Роналду қарши чиқаётгани ҳақида хабарлар тарқалган эди. Эслатиб ўтамиз, Саудия Арабистони Давлат инвестиция фонди "Ан-Наср", "Ал-Иттиҳод", "Ал-Ҳилол" ва "Ал-Аҳли" клубларига эгалик қилади.
