"Реал" ҳимоячи Фран Гарсиянинг "Борнмут"га ижара асосида ўтишига тўсқинлик қилди, дея хабар бермоқда The Athletic.
Футболчи инглиз клубини ўзига етишмаётган ўйин вақтини қўлга киритиш учун ажойиб имконият сифатида кўрди. Хусусан Вальдебебасдаги машғулот базасидаги одамларга унинг АПЛ клубига ўтиш эҳтимоли катта эканини айтган, бироқ жума куни мадридликлар уни қўйиб юбормасликка узил-кесил қарор қилган.
Трансфер рад этилгач, 26 ёшли испаниялик шанба куни индивидуал машғулот ўтказишни сўраган. Клуб унинг илтимосини рад этди ва футболчи оммавий ахборот воситалари учун мавжуд бўлган дастлабки 15 дақиқани гуруҳ билан ўтказди, шундан сўнг у мустақил равишда машғулотларни давом эттирди.
